Леао го посочи Ибра како свој петти најголем идол, а го избра и најтешкиот противник во Серија А: Сигурно ќе ме убие!

Рафаел Леао одвои време за своите следбеници и фудбалски фанови на Инстаграм, па така реши да одговара прашања кои тие му ги поставуваа преку Инстаграм Стори.

Младата ѕвезда на Милан направи клучна разлика на последните неколку натпревари и го одржува тимот во пол позиција за титулата заедно со Тонали, па покрај тоа што говореше за возбудата пред мечот со Аталанта, даде искрени одговори и за интересни фудбалски прашања.

Леао наброја пет идоли на кои ја темели својата игра, но симпатично и комично е тоа што од стравопочит, мораше да го истакне и името на Златан Ибрахимовиќ.

– Моите идоли се Роналдо, Мбапе, Нејмар и Роналдињо. За крај, мора да кажам и Златан Ибрахимовиќ за да не ме убие. Ако не зборувам за него, ќе ме убие!, – со емотикони за насмевка одговорил Леао, кој го посочил и најтешкиот противник во Серија А.

– Тоа е Шкриниар од Интер, тој е навистина цврс и тежок противник, – одговора Леао.