Шах
Лазов, Недев и Богдановски најуспешни на новогодишниот затворен турнир на „Алкалоид“
Интернационалниот мајстор Тони Лазов го освои првото место на ревијалниот шаховски турнир што шаховскиот клуб „Алкалоид“ го организираше во своите нови простории во центарот на Скопје.
Иако идентичен бодовен резултат како него (5,5 од 7) имаа и велемајсторите Трајко Недев и Влатко Богдановски, Лазов се издвои како најдобар според дополнителните „тај-брејк“ параметри. Велемајсторот Звонко Станојоски и минатогодишниот шампион на Македонија, Филип Михов, обајцата со по 5 бода се најдоа веднаш зад најуспешните.
На турнирот покрај првотимците на нашиот најтрофеен шаховски колектив, играа и дел од напредните младинци, со што листата на учесници имаше над 20 играчи. Тоа беше ретка можност и учениците да играат со своите „професори“ и да стекнат нови искуства. Иван Велкоски со 4,5 поени беше најснаодливиот меѓу најмладите кои играа на забрзаното темпо од 10 минути за играч плус 5 секунди од потег.
Габриела Коскоска беше најуспешната меѓу претставничките од понежниот пол, делејќи го седмото место со уште пет играчи кои имаа по 4 поени.
Клубот им додели пригодни награди на сите 23 учесници, а посебно ги награди младите Илијана Велева, Дино Табаковски и Стојан Велкоски, кои имаа силни настапи на меѓународната сцена и донесоа трофеи од европски и балкански натпреварувања.
-
НБАпред 19 часа
Дончиќ за чудесниот кош на Ирвинг против Денвер: Не сум сигурен дека луѓето…(ВИДЕО)
-
Шпанијапред 19 часа
Чави за ѕвездата на Атлетико: Копиле…(ВИДЕО)
-
Англијапред 21 час
Клоп бесен по драматичниот поразот на „Олд Трафорд“: Немам нерви за тебе (Видео)
-
Англијапред 22 часа
Стерлинг им се извини на навивачите на Челси и им вети една работа (ФОТО)
-
Англијапред 20 часа
Херојот на Јунајтед за потегот кој му донесе црвен картон: Заборавив…(ВИДЕО)
-
Англијапред 22 часа
Тен Хаг: Ова беше најдобриот Јунајтед во оваа сезона
-
АТПпред 21 час
Алкарас и Медведев доставија кандидатура за поен на годината, Шпанецот е крал во пустината! (Видео)
-
Шпанијапред 17 часа
Жоао Феликс: Навивачите на Атлетико не знаат што се случи…