Поврзете се со нас

Светски првенства

Лазаров за „Дерби“: Немавме среќа во ждрепката, но мене ме загрижува друга работа

Објавено

на

blank

Капитенот на македонската ракометна репрезентација, Кире Лазаров, кој во моментов го спроведува новото издание на неговиот ракометен камп во Охрид, за „Дерби“ го даде своето прво видување по денешната ждрепка за Светското првенство во Германија и Данска.

Македонија ќе игра во Минхен, но доби незгодни противници, а нашиот најдобар ракометар смета дека мора да го прошириме нашиот ростер, упатувајќи јасна порака до помладите ракометари кои во моментов настапуваат на Медитеранските игри во Тарагона.

– Немавме многу среќа во ждрепката. Добивме квалитетни и незгодни европски репрезентации. Доколку не го прошириме нашиот ростер со квалитетни играчи кои ќе поделат квалитетна минутажа и одговорност, не можам да бидам голем оптимист. Уште повеќе ме загрижуваат слабите игри на оние кои ја сочинуваат оваа „медитеранска репрезентација“ и поразите од Турција и Египет, бидејќи во таа репрезентација имаме седум репрезентативци од А селекцијата. Ќе се обидеме да се подготвиме квалитетно и да го дадеме нашиот максимум,- истакна нашиот капитен за „Дерби“.

Како што е познато, од овој ракометен „Мундијал“ ќе се бараат и патниците за Летните олимписки игри во Токио 2020 година, поради што пласманот меѓу осумте најдобри на крајот ќе биде од клучно значење за настап на квалификацискиот турнир.

Реклама
Реклама
Реклама

Facebook

Популарни