Лазаров со неодбранлива „бомба“ во последните секунди му донесе голем бод на Нант (Видео)

Кирил Лазаров ја игра својата последна сезона во долгогодишната кариера, а оваа вечер, македонскиот капитен и селектор уште еднаш ја покажа својата класа во петтата деценија од животот.

Нант се избори за голем бод на гостувањето во Данска кај ГОГ, пред се благодарение на нашиот Лазаров кој одново демонстрираше дека поседува топ во левата рака.

Иако го одигра само второто полувреме, Лазаров се покажа како клучен за гостите од Франција, бидејќи го постигна и клучниот гол за 29:29 со „бомба“ во свој карактеристичен стил.

Кире го заврши мечот со пет реализации и доволни му беа само 30 минути за да биде втор најдобар реализатор во тимот, веднаш зад Бриет кој погоди шест пати.

Со ова реми, ГОГ и Нант остануваа на делба на второто место, односно имаат еден бод помалку од Лемго во групата Б во Лигата на Европа.