Лазаров со две измени пред натпреварот со Швајцарија

Селекторот и капитен на македонската ракометна репрезентација, Кире Лазаров направи две измени во однос на составот со кој се соочи со Финска и против Швајцарија ќе истрча со двајца нови ракометари.

Капитенот исто како и најискусниот Филип Миркуловски остануваат во составот за последниот квалификациски натпревар, а од истиот отпаднаа Мартин Серафимов и Дејан Манасков.

Нивните места ги зазедоа Ненад Костески од Еурофарм Пелистер како и ракометарот на Охрид, Михајло Младеновиќ.

Натпреварот ќе се игра денеска со почеток од 18:00 часот во Скопје, а резултатот не е императив за нас затоа што веќе обезбедивме пласман на Европското првенство. За разлика од нас, Швајцарија ќе мора да победи на овој натпревар доколку сака да ги одржи живи шансите зап ласман на континенталниот собир.