Светски првенства
Лазаров: Нашиот „осми играч“ ќе ни донесе два голови предност против Австрија

Македонија ја исполни целта и се пласираше во втората фаза на Светското ракометно првенство, па иако треба да се почека исходот од натпреварот од Унгарија и Холандија, повеќе од веројатно е дека наш прв ривал во следната фаза ќе биде селекцијата на Австрија.
Според првичниот распоред објавен од ИХФ, Македонија ќе игра против Австрија во вторник во 18:00 часот, а селекторот Кирил Лазаров се надева дека нашите ракометари ќе добијат два гола предност на овој натпревар од својот „осми играч“ во Вараждин.
– Треба да бидеме задоволни од тоа што победивме, иако можеше да биде и подобро. Се виде тоа неискуство кај одредени млади ракометари за кои ова е прв или втор голем турнир. Сега ја видов статистиката и таа вели дека сме промашиле 20 шута од изградени позиции. Со ваква статистика против поквалитетен противник, сигурно е дека нема да победиме.
– Добро во целата оваа приказна е што успеавме да заштедиме и сили, ги одморивме искусните играчи како Пешевски, Митревски, па и Митев кој влегува во доста дуели и кој доста се троши. Преземавме мал ризик со младите ракометари, но ја исполнивме нашата цел и допрва не чекаат тешки битки.
– Заштедивме енергија за тоа што следи и ги оставаме зад себе натпреварите со Унгарија и Холандија за кои има за што да жалиме. Благодарност до цела македонска јавност за поддршката која ја добиваме, ни следат три нови натпревари во втората фаза и таков е ритамот на Светските првенства. Ќе анализираме утре, нема многу време за подготовка, а бидејќи голем дел од играчите се млади, ќе видиме дали ќе успеат брзо да го впијат тоа што ќе им го кажам и дали ќе успеат да го спроведат на дело. Тоа е мојата дилема, но ќе видиме што ќе се случи. Добро за нас е што тука се македонските навивачи, очекуваме да бидат наши осми играч против Австрија, а тоа се два гола предност во однос на противникот, – изјави Лазаров.
-
НБА14 часа
Најавите се остварија: Богдановиќ ја замени Атланта со Лос Анџелес
-
Шпанија22 часа
Марсело со емотивно видео објави крај на кариерата: Мадридизмот не се опишува со зборови
-
Свет24 часа
Урнебесен старт на авантурата во Сантош: Нејмар влезе во игра и веднаш доби удар на најболно место (Видео)
-
Евролига23 часа
Обрадовиќ во елемент: Немој да те удрам со таблава по глава….. (Видео)
-
Англија13 часа
Ливерпул го уништи Тотенхем и ќе се бори за трофејот во Лига Купот (ВИДЕО)
-
Италија13 часа
Шампионот настрада на „Артемио Франки“: Фиорентина го потопи Интер во продолжениот меч во Серија А (ВИДЕО)
-
Англија22 часа
Јоро откри каква Ватсап подготовка добиваат дефанзивците од Аморим пред секој натпревар на Јунајтед
-
Франција19 часа
Луис Енрике: Ви реков дека ќе бидеме подобри во одбрана и во напад без Мбапе!