Лазаревски перфектен во новата победа на Тримо Требње

Тимот на Тримо Требње продолжи да реди победи во првата лига на Словенија, а најновата ја забележа во дуелот со Јерузалем Ормож кој го реализираше со 37-28.

Првиот дел мина во изедначена борба и домаќините на пауза заминаа само со еден гол позитива (16-15), меѓутоа во продолжението се сменија работите, избраниците на Зорман го засилија темпото, беа фанастични пред се во нападот (21-13) и дојдоа до убедлив триумф.

Главаш со шест гола беше најефикасен кај Тримо Требње за кого македонскиот интернационалец Милан Лазаревски даде два погодоци од два обиди. Вториот Македонец, Тоше Ончев не беше во составот.

Требње со 41 бод е на второто место на табелата, односно заостанува четири бода зад Целје.