„Лавовите“ заборавија да победуваат надвор од Ѓорче Петров, Брегалница славеше во Гевгелија

Водечките екипи во Втората македонска лига, Македонија Ѓорче Петров и Башкими останаа без голови и без победи на денешните средби од 22. коло од шампионатот.

„Лавовите“ играта многу лошо на гостински терен во изминатиов период, па така и денеска не ја потврдија фаворитската улога во пресметката со Осогово во Кочани. Мируваа мрежите на стадионот „Никола Мантов“, резултат на кој дефинитивно му се радуваат домаќините кои се борат за опстанок во оваа конкуренција.

Инаку избраниците на Грнчаров претходно ремизираа и со Каменица Саса, а загубија во Прилеп од Победа.

Добра вест за Македонија е што и Башкими одигра без победник против Победа, но третопласираната Брегалница го доби Кожув со 2-0 и сега е на минус два од скопскиот и кумановскиот тим.

РЕЗУЛТАТИ:

Кожуф – Брегалница 0-2
Скопје – Борец 2-1
Каменица Саса – Беласица 1-2
Новаци – Охрид 2-1
Осогово – Македонија ЃП 0-0
Победа – Башкими 0-0
Вардар Неготино – Детонит Плачковица 0-0