„Лавовите“ ја разбија Брегалница во дербито во ВМФЛ

Фудбалерите на Македонија Ѓорче Петров ја надиграа Брегалница со 3-0 во дерби натпреварот од 11. коло во Втората лига.

„Лавовите“ беа подобар ривал во битката на двата довчерашни прволигаши, победа со која го преземаа врвот на табелата.

Домаќините го отворија резултатот во 38 минута кога Размоски ги матираше штипјани со удар со глава. Ова минимално водство беше актуелно до самата завршница кога Стоилов со одмерен удар од далечина зголеми на 2-0, додека трите бода ги потврди Софијаноски во 84 минута.

Убедлив беше и составот на Башкими против Осогово (5-1), додека Арсими го надигра Детонит со 2-1.

РЕЗУЛТАТИ:

Арсими – Детонит 2:1

Башкими – Осогово 5:1

Беласица – Кожув 0:0

Борец – Вардар (Н) 1:2

Македонија ЃП – Брегалница 3:0

Новаци – Саса 0:1

Охрид – Скопје 1:1

Победа – Вардарски 6:2