„Лавовите“ договорија четири теста на подготовките во Банско

Македонија Ѓорче Петров продолжува да се подготвува за новата натпреварувачка сезона во која освен домашни обврски ќе има и настап во квалификациите за Конференциската лига на УЕФА.

„Лавовите“ изминатиов период тренираа во Македонија и одиграа два пријателски натпревари против Дрита (2-2) и Љапи (1-1) на кои не забележаа победа, но и не загубија.

Сега клубот од Ѓорче Петров се сели во Банско каде закажа четири теста во периодот од 2 до 13 јули. Избраниците на Бајрами ќе имаат соочувања со Апоел Никозија, Стеауа, но и со Мавлон и Политехника.

Само за потсетување освојувачот на Купот на Македонија ќе игра со ЦСКА Софија во второто коло во Конференциската лига, првиот меч е закажан а 21 јули, реваншот е закажан седум дена подоцна.