Лаутаро за новата сезона на Интер: Поголемите амбиции се императив

Лаутаро Мартинез им се враќа на клупските обврски во Интер, а во интервју за „Газета дело Спорт“ зборувал отворено за претходната сезона која донесе титула за неговиот тим, но и втора ѕвездичка на дресовите на клубот од Милано.

Аргентинскиот репрезентативец открил колку многу му значел успехот од минатата сезона, но и потенцирал дека Интер мора да оди чекор напред и да ги поместува стандардите од сезона во сезона.

– Оваа титула донесе најмногу емоции во мојата кариера, барем на клупски план. Истовремено, не можам да заборавам дека освојувањето на СП со Аргентина беше остварување на детскиот сон.

– Вечно ќе ја носам втората ѕвездичка со мене, а тоа важи и за моите соиграчи. Беше долга и тешка сезона, но благодарение на тимската игра и колективот изградивме нешто посебно.

– Последната титула беше важна, но не смееме да застанеме тука. Мора да постои желбата за напредок и индивидуално и колективно, секогаш мора да размислуваме за подигнување на летвичката, – рекол Мартинез.