Лаутаро презема одговорност за променливите резултати на Интер: Не го правам она…

Интер игра променливо во досегашниот дел на овој шампионат, а потврда за тоа беше и вчерашниот резултат во градската пресметка со Милан која ја загуби со 2-1.

„Нероаѕурите“ важеа за фаворити на хартија, но покажаа слабости кои противникот ги искористи и дојде до славје со која ја прекина серијата од шест порази во низа во „Дерби дела Мадонина“.

-Не игравме ако што се подготвувавме. Нашиот пристап не беше правилен од самиот почеток, потоа малку подобар во вториот дел, но повторно недоволно. Имаме многу да подобриме, треба да ги спуштиме главите и да работиме напорно за да го подигнеме нивото на сите, -истакна капитенот Лаутаро Мартинез кој се уште е без погодок во актуелнава сезона.

-Јас сум првиот што ја презема одговорноста како капитен. Ја чувствувам таа одговорност и сфаќам дека не го правам она што го направив минатата сезона, заостанувам, но сè што можам да направам е да продолжам да работам за да станам посилен, заклучи Аргентинецот.