Лаутаро е подготвен да потпише нов договор со Интер: Нема да има никакви проблеми…

Аргентинскиот репрезентативец, Лаутаро Мартинез е подготвен да ја продолжи соработката со актуелниот лидер во Серија А, тимот на Интер.

Напаѓачот од 2018 година е дел од „нероаѕурите“ и од сезона во сезона игра се позначајна и позначајна улога, па веќе е и лидер на екипата со оглед на тоа што ја има и капитенската лента.

-Имаме одличен однос со „нероаѕуритеЕ. И ние зборуваме да се состанеме и да разговараме за обновувањето на договорот. Интер сака да го продолжи договорот со Лаутаро. И ние истото го сакаме. Нема да има никакви проблеми. Ќе се видиме во следните неколку дена или недели, -истакна агентот на голгетерот, Алехандро Камано.

-Се уште немама датум за состанокот. Мора да постигнеме договор со Интер. Но, важно е дека постои подготвеност од двете страни да седнат и да разговараат за продолжување на соработката. Зборуваме за многу важен играч за Интер. И многу важен клуб за Лаутаро. Тој не брои само пари..

-Важни се и проектот, спортската траекторија, што се случува, фактот дека се оди добро, колку се зголемува расположението за Интер кај луѓето. Постојат различни фактори. Лаутаро не е само пари. Лаутаро исто така има чувство за клубот, град кој го сака и што го сака, -додаде Камано.

Сегашниот договор на Лаутаро е до 30 јуни 2026 година.