Ларсен ја шокираше Борусија во Дортмунд во 91. минута (Видео)

Борусија Дортмунд беше перфектна на домашен терен се до натпреварот со Баерн Минхен, но откако ремизираше во дербито со големиот ривал, денеска испушти нова победа која сигурно ја имаше испланирано.

Притисокот врз тренерот Нури Шахин ќе продолжи да расте во ситуација кога тимот почна да игра неубедливо и на домашен терен, па останува да се види до кога управата ќе има трпение кон него и дали ќе размислува на евентуална смена за време на зимската пауза.

Борусија се мачеше против Хофенхајм на „Сигнал Идуна парк“ и дозволи повеќе шутеви на свој гол, па за тоа беше и казнета во самата завршница од мечот.

Домаќините незаслужно поведоа со голот на Рејна на самиот старт на вториот дел, но кога се чинеше дека овој гол ќе биде доволен за победа, пристигна едно долго уфрлање во аут.

Истото донесе карамбол и стопроцентна шанса за Брун Ларсен, а фудбалерот на Хофенхајм не погреши и ги постави конечни 1:1 во 91-та минута.

Головите погледнете ги ТУКА