Лапорта при годишното обраќање: Барселона постигна историски договор со кој се враќа во прв ред на светско ниво

Жоан Лапорта денеска говорел пред сосиосите и членовите на Управниот одбор на Барселона, а главна новост е историскиот договор кој успеа да го потпише мандатарот на каталонскиот гигант пред извесно време.

После макотрпни и долги преговори, Барселона сепак успеа да пронајде заеднички јазик со „Најк“ и ја продолжи соработката која датира од 1998-ма година, со тоа што новиот договор е историски и најголем во историјата на фудбалот.

Барса ќе инкасира околу 1,7 милијарди евра од американската компанија во наредните 14 години, или по сезона ќе добива околу 130 милиони евра што е неверојатна финансиска инјекција за стабилизација на клубот.

– Мора да се признае дека имаше загуба на меѓусебната доверба за време на тешките преговори, постоеше и голема шанса секој да тргне по свој пат. На крајот, Најк реши да не ислуша и постигнавме договор после еден долг процес во кој имавме целосно спротивставени мислења. Поради тоа, моравме да ангажираме и медијатор за да ја вратиме загубената доверба и да ги приближиме ставовите. Со таа помош го потпишавме историскиот договор.

– Со овој договор ќе бидеме посилни, посамоуверени и попосветени во обидот да го вратиме сјајот на најдобриот клуб во светот. Барселона со овој договор се враќа во прв ред на светско ниво, – порачал Лапорта.