Ландин забележа клучна одбрана, Кил го елиминира ПСЖ од ЛШ (ВИДЕО)

Германскиот ракометен прволигаш Кил е последниот патник на завршниот турнир во Лигата на шампионите и тоа откако вечерва по еден супер возбудлив и неизвесен меч славеше над Пари Сен Жермен со 33-32.

Првата средба во Франција заврши со резултат 30-30, па тоа беше една најава за реваншот кој донесе голема драма, борба и клучна одбрана на Ландин со звукот на сирената за пласман на „зебрите“ на Ф4 во Келн.

Во првиот дел подобри беа избраниците на Раул Гонзалес со 19-17, второто полувреме и припадна на четата на Јиха со 16-13 со тоа што последниот напад на средбата го имаа гостите преку Стеинс кој се обиде да го изненади Ландин со ниска топка, меѓутоа Данецот го прочита, жива ја фати топката за победа и големо славје на домашниот тим и навивачи.

The big moment for @thw_handball ⭐ Niklas Landin saves the last shot from @psghand and the #ehfcl 2019/20 winners celebrate their return to Cologne 🙌#motw #ehffinal4 pic.twitter.com/jfeRsQtvY7

— EHF Champions League (@ehfcl) May 19, 2022

Ремили со 8 погодоци беше прв стрелец на натпреварот, еден помалку даде Магнус Ландин Јакобсен.

Претходно па Барселона по вторпат беше подобра од Флензбург (27-24) и со тоа им се приклучи на Веспрем и Виве Киелце кои вчера го потврди билетот за завршницата во ЛШ.