Лампард за споредбите на двоецот на Арсенал и легендите на Челси: Кога ќе освојат…

Арсенал напредува под водство на менаџерот Микел Артета, меѓутоа иако е конкурентен се уште нема освоена супер значајна титула како на пример онаа во Премиер лигата или Лигата на шампионите.

Тимот е добар, квалитетен, има што да каже против секој тим, а веќе и се издвојуваат некои играчи. Меѓу  нив дефинитивно е одбранбеното дуо Габриел Магалаеш и Вилијам Салиба, двајца асови кои донесоа цврстина во срцето на одбраната, па веќе има споредби со некои други вакви партерства како што во минатото беа Фердинанд-Видиќ, Адамс-Кион, Тери-Карвалјо.

Френк Лампард соработуваше со последниве во Челси и во однос на тие споредби порача:

-Се уште не може да се споредат. Ако освојат две или три Премиерлиги и Лига на шампиони, тогаш можеби можете да ги споредите. Видете јас не ги потценувам, тие се фантастични, млади и постојано растат.

-Не е фер да се прави таа споредба бидејќи сето ова е пред нив. Но, во овој момент, не. Ама она што го прават во моментот се одлични работи. Но, да, освојте некои работи, момци, и можете целосно да влезете во тој разговор, -порача Лампард.