Лампард повторно се премисли и објасни зошто Меси не е подобар играч од Роналдо

Френк Лампард важи за една од најголемите легенди кои некогаш заиграле за Челси и ужива посебен статус на „Стемфорд Бриџ“, а како човек кој испиша своја историја во Премиер лигата, си дава за право повремено да се огласи за вечната дебата во светскиот фудбал.

НАјдобриот голгетер меѓу играчите за врска во историјата на Премиер лигата го менуваше ставот за Лео Меси и Кристијано Роналдо во последните четири години, за сега повторно да заземе нов став во ситуација кога двајцата се на залез на каририте.

Само за потсетување, Лампард во 2020-та година му даде предност на Меси, една година подоцна се премисли и во дебатата со Невил и Карагер го посочи Кристијано како подобар, за сега да изјави дека двајцата се на исто ниво и не може да избере подобар.

– Да бидам искрен, воопшто не ми се допаѓа оваа конверзација. Играв против двајцата, повеќе против Роналдо додека тој беше во Манчестер Јунајтед. Против Меси играв на големите натпревари меѓу Челси и Барселона. Ако судиме според чистиот талент, Меси е најголем во историјата, тоа е моето мислење.

– Но, тоа што го направи Роналдо во поглед на бројки, голови, посветеност, професионалност и во доцната фаза од кариерата, прави двајцата да бидат на исто ниво. За мене тие се подеднавки. Мора да ги почитувам двајцата на ист начин, мислам дека не е фер да се издвои еден од нив двајца. Тие беа двајца неверојатни играчи и за мене е посебна чест што можев да играм против нив, – вели Лампард во интервјуто за „ТНТ Спортс“.