Лампард: И сега би потпишал за Челси, забележав…

Челси е далеку од врвот во англскиот фудбал во актуелнава сезона, односно има кампања за заборав ако се земе во предвид дека во моментов е дури во втората половина на табелата со 42 бода (11 место).

„Сините“ вложија многу пари во претходните два преодни рока, беа ангажирани многу играчи, меѓутоа тоа не ги донесе посакуваните резултати. Останува да се види што ќе се случува по крајот на сезонава, летниот преоден рок, но Френк Лампард нема дилеми дека ќе биде многу подобро во иднина, односно тој порача дека денеска без никаков сомнеж би потпишал за Челси (да бил активен) и покрај целиот хаос на „Стемфорд Бриџ“.

-Апсолутно ги потпишал за Челси. Има толку многу добри работи поврзани со овој клуб. Изреката вели дека формата е минлива, а квалитетот е постојан. Забележав фантастични намери за подобрување на клубот. Многу фудбалски гиганти минуваат низ овој процес на некој начин, а што поуспешно го надминете повеќе пехари ќе освоите кога ќе дојде моментот се да наплатите, -вели Лампард и додава:

-Тоа е примамлив предизвик. Најлесно е со падобран да слетате на место каде сè е успешно и средено. Учинокот на домашен терен не е добар. Ниту откако дојдов, ниту пред мене.Човечки е тоа да создаде нервоза меѓу играчите и тренерите. Единствениот начин да се надмине кризата е да се обидете да ги направите вистинските работи. Бев во ситуација во која се сега моите фудбалери. Едноставно, тие треба да ја надминат, -заклучи Лампард.