Ламин не остана рамнодушен на генијалноста која ја изведе и го стави голот против Бенфика на делба на првото место (Видео)

Ламин Јамал не остава никого рамнодушен со партиите кои ги нуди на 17-годишна возраст, а актуелниот европски шампион продолжува да брилјира на највисока сцена и во Лигата на шампиони.

Талентираниот фудбалер вчера испорача една асистенција до Рафиња за отворање на резултатот против Бенфика, но потоа режираше уште една генијалност, потигнувајќи гол кој е вистинско ремек-дело.

Јамал постигна гол откосо во стилот на Лео Меси и техниката која ја употреби беше навистина импресивна, а дури и самиот остана воодушевен од тоа што го постигна.

– Мислам дека ова е најдобриот гол кој го имам постигнато во дресот на Барса. Овој погодок беше на ниво на оној кој го постигнав против Франција на Европското првенство.

– Секогаш кога излегувам на теренот, го правам тоа со цел да се забавувам со соиграчите. Навистина уживав на теренот, пред натпреварот му реков на Дани Олмо дека посебно сум загреан за реванш пресметките во Лигата на шампиони, – откри Јамал.

Este ángulo del gol de Lamine Yamal💀 pic.twitter.com/VkoXaCUYBc

— Álex (@LxoMessismoFCB) March 11, 2025