Лалана: Сака мора да го копира „несериозното“ однесување на Меси

Дуелот на Кајл Вокер и Килијан Мбапе е топ тема на медиумите во пресрет на мундијалското четвртфинале меѓу Англија и Франција, но јасно е дека истиот може да остане во сенка на учинокот на некој од другите фудбалери на теренот.

Поранешниот англиски репрезентативец, Адам Лалана, во својата најнова колумна испрати порака до Букајо Сака и англискиот селектор Герет Саутгејт. Главната поента е дека Сака мора да се штеди во дефанзивната фаза, за да може да ги казни Французите со контрите, кои се негово најсилно оружје.

– Иако изгледа дека Меси не работи дефанзивно како соиграчите, тој го користи времето за снимање и скенирање. Потоа, кога ќе ја добие топката, тој е посвеж од останатите и може да испорача некоја магија.

– Можеби оди најмногу, делува несериозно и незаинтересирано, но затоа има и најмногу информации, можеби е најпаметниот фудбалер во историјата.

– Некој ќе каже дека не трча премногу, но и Сака не смее да се враќа премногу и во секоја ситуација да му помага на Вокер во покривањето на Мбапе. Ако го прави тоа, ќе биде премногу назад и нема да може да ги искористи контрите како важно оружје. Очигледно е дека Сака ќе има клучна улога за Англија на двете страни од теренот, а неговата смиреност во офанзивниот дел е неверојатен за толку млад фудбалер, – пишува Лалана.