Лајпциг направи голем пресврт и стави крај на неверојатната серија „Неверлузен“ (Видео)

Баер Леверкузен беше преименуван во „Неверлузен“ од страна на германските медиуми поради историската сезона без пораз во Бундеслигата, но актуелниот шампион веќе во второто коло во новата сезона мораше да се збогува со серијата за паметење.

После 35 меча без пораз во германската елита, избраниците на Чаби Алонсо првпат ја почувствуваа горчината на поразот, и тоа во натпревар на кој изгледше дека се оди во правец во кој посакуваат.

Леверкузен поведе 2:0 во дербито против РБ Лајпциг со головите на Фримпонг и Грималдо, но гостите се вратија со голот на Кампл пред крајот на првиот дел и стана јасно дека ќе има возбуда и во второто полувреме.

Лајпциг израмни преку Лукеба на стартот на вториот дел и во тој момент се чинеше дека е 2:2, но сепак погодокот беше поништен од ВАР поради офсајд и Леверкузен доби сериозно предупредување дека нема да има лесна задача до крајот.

„Фармацевтите“ сепак примија уште еден гол и истиот беше регуларен, но Опенда не застана само со гол за 2:2, бидејќи набрзо после тоа постигна и втор за целосен пресврт од 2:3.

Баер во финишот по којзнае кој пат во изминатава година се обиде да избегне пораз во судиското продолжение, но овојпат не беше успешен во таа намера и за првпат загуби во домашното првенство од мај 2023-та година (пораз од Бохум).

Видеото погледнете го ТУКА