Лајовиќ: Не можам да го споредам Алкарас со Федерер, Ѓоковиќ и Надал

Душан Лајовиќ претрпе пораз од Карлос Алкарас на АТП Мастерсот во Мајами со 2-0 во сетови со 6-0 и 7-6 (5).

Ова за Србинот беше четврти пораз во исто толку натпревари против младиот Шпанец при што нема земено ниту еден сет. Алкараз често го споредуваат со големите тениски легенди како Рожер Федерер, Рафаел Надал и Новак Ѓоковиќ, но според Лајовиќ не може да го стави Карлос на исто ниво, меѓутоа многу го цени асот кој треба да ја предводи новата генерација.

-Не можам да го споредам со Рожер, Новак и Рафа, но тој има нешто уникатно: тој сака да биде под голем притисок. Има многу добри удари, добро ја чита играта, ја чувствува топката, но она што е најважното нешто и што го разликува од другите тенисери е што е во состојба да даде се од себе во комплицирани моменти. Тој ужива во атмосферата и напредокот, многу е позрел отколку што годините покажуваат, -порача Душан.

Алкарас ќе се соочи со Томи Пол во осминафиналето во Мајами.