Лајлс доби прашање за Јокиќ, одговорот кој го даде му донесе многу критики (Видео)

Ноа Лајлс посебно ги разулти своите сонародници од НБА лигата кога реши да им се потсмева за тоа што се нарекуваат светски шампиони по освоен шампионски прстен во САД, а таквото негово размислување отвори големи дебати, кои на позитивен начин се прифатија во Европа.

Лајлс е најбрз спринтер во светот во овој момент и тоа го покажа со освоениот златен медал на трката на 100 метри на Олимписките игри во Париз, но сега при враќањето во својата родна земја, одново испорача една изјава со која предизвика многу реакции.

При гостување во еден подкаст, атлетичарот доби прашање за најдобриот кошаркар во светот во овој момент, но намерно или не, Ноа посочи дека никогаш не слушнал за него.

Никола Јокиќ изминатава сезона по трет пат ја доби МВП наградата во НБА лигата и важи за најдобар кошаркар во овој момент, но Лајлс вели дека нема воопшто слушнато за него.

Оваа арогантна изјава на Лајлс му донесе низа негативни коментари, карактеристика која очигледно не им се допаѓа и на неговите ривали од тартанот кои решија да му се потсмеваат откако не победи на трката на 200 метри.

“Imma be honest, I don’t know who that is.”

– Noah Lyles on Nikola Jokic

(🎥 @NightcapShow_ / h/t @ClutchPoints )

pic.twitter.com/pXtbzD3xsU

— NBACentral (@TheDunkCentral) August 18, 2024