Лацио си обезбеди нов квалитетен напаѓач

Лацио презема уште еден конкретен чекор во овој преоден рок и ќе го засили нападот со член на второлигашот Салернитана.

Булаје Диа беше еден од најдобрите играчи на тимот од Салерно во сезоната во која не беше обезбеден опстанок во Серија А, а во новата сезона сепак ќе игра во најелитното натпреварување.

Сенегалецот и неговите агенти веќе ја прифатиле понудата за годишна плата од 2 милиони евра плус бонуси, а се очекува лесно да биде постигнат договор и со неговиот актуелен клуб.

Салернитана нема да го задржува Диа, затоа што напаѓачот беше отстранет од првиот тим и тренираше сам во претходната полусезона поради конфликтот со раководството, а пред неколку дена бил исвиркан од фановите иако постигнал два гола на куп дуелот со Специја.

Лацио по долго време ќе биде својот прв голгетер Чиро Имобиле, кој се пресели во Бешикташ, додека фановите очекуваат многу од Тати Кастелјанос.