Поврзете се со нас

Италија

Лацио сака да донесе двајца играчи во завршницата на овој преоден рок

Објавено

на

foto:twitter.com/OfficialSSLazio

Италијанскиот прволигаш Лацио ќе се обиде да затвори две трансфер операции во самата завршница на зимскиот преоден рок.

Лацијалите досега беа мирни на пазарот и само го испратија Тома Башиќ на позајмица во Салернитана, но сега медиумите на Апенините најавуваат дека клубот ќе биде активен и ќе се обиде да ги засили своите редови со две имиња.

Составот од „Олимпико“ сака да го доведе подзаборавениот Федерико Бернардески од Торонто. Самиот играч сака да се врати дома, подготвен и да се откаже од дел од платата за да се реализира ова сценарио.

Другиот фудбалер е 23-годишниот Николо Камбијаги кој е член на Аталанта, ама е позајмен во Емполи. „Бјанкочелестите“ понудиле 8 милиони евра, ама Аталаната истата ја одбила и сака поголема сума за да го пушти офанзивецот во ривалот од Серија А.

Четата на Сари со 33 бода е на 6. место во Калчото, а во исто време напредува и во Купот каде обезбеди место во полуфиналето.

Реклама
Реклама
Реклама

Популарни