Лацио преку Калјари до седма победа во Калчото (ВИДЕО)

Фудбалерите на Лацио ја забележаа 7. победа во 11. сезонски натпревар во Серија А и тоа против Калјари кој вечерва падна на „Олимпико“ со резултат 2:1.

Клубот од Рим е во добра форма, дојде до три нови бода, но мораше добро да се испоти за да дојде до истите. Диа донесе брзо водство за домаќинот во 2 минута, но гостинот одговори и во 41 дојде до 1-1 благодарение на Лувумбо.

Домаќините долго време во вториот дел се обидуваа да дојдат до нова позитива, а тоа им успеа преку нововлезениот Закањи кој го искористи ударот од 11 метри. Две минути подоцна Калјари остана со двајца играчи помалку (Мина и Адопо) по што стана јасно дека четата на Барони ќе стигне до посакуваната цел.

Со 22 бода Лацио заедно со Аталанта и Фиорентина се на делба од третото до петтото место на табелата.