Лацио не пријави ниту едно ново засилување за настап во Лига Европа

Европските клубови ги испратија освежените списоци со фудбалери кои ќе имаат право на настап во европските купови, а Лацио направи невообичаен потег со својот избор испратен до УЕФА.

Римскиот клуб доведе три засилувања во зимскиот преоден рок, но ниту едно од нив нема да има можност да настапува во Лига Европа.

Арјон Ибрахимовиќ, Реда Белахјане и Оливер Провстгард дојдоа во редовите на Лацио изминатиов период, но очигледно ќе треба да чекаат шанса само во домашното првенство и купот.

Тренерот Марко Барони направил само една промена на списокот и на местото на Лука Пелегрини го вметнал искусниот Елсеид Хисај.

Лацијалите имаа одличен ефект во првата фаза на Лига Европа и обезбедија директен пласман во осминафиналето.