Лацио ја наполни мрежата на Монца, Калјари го доби дербито за опстанок со Парма (Видео)

Лацио и Калјари излегоа како победници на денешните попладневни мечеви во Серија А, на кои Монца и Парма останаа без бод на гостински терен.

Римскиот клуб си ја задржа четвртата позиција на табелата по денешната убедлива победа од 5:1 против фенерџијата Монца, а на првиот гол се чекаше до 31. минути, кога Марушиќ го отвори резултатот во корист на домаќинот.

Во вториот дел Педро погоди два пати, а по еден гол постигнаа Кастелјанос и Деле-Баширу, додека Сенси од пенал успеа барем минимално да го ублажи убедливиот пораз на Монца.

Парма немаше многу среќа на гостувањето на Сардинија, бидејќи најпрво и беше поништен гол со ВАР, а во вториот дел гостите постигнаа автогол.

Коман зголеми за Калјари во 70. минута и ја најави победата, а Парма само ги постави конечните 2:1 и не успеа да избегне пораз и останување во опасната зона на табелата.