Лацио испорача дефиниција за убиствена контра: Слалом на Тавареш и ремек-дело на Педро (Видео)

Навивачите на Лацио жестоко протестираа кога клубот го ангажираше Марко Барони на стартот на летото, но неколку месеци подоцна, тифозите од италијанската престолнина мораа да си ги повлечат зборовите и почнаа да му оддаваат признание на искусниот стручњак.

Поранешниот тренер на Верона брзо ја примени својата методологија во Лацио и излезе дека фудбалерите порано од очекуваното ја прифатија неговата филозофија, а добрите резултати од Серија А се надополнети со извонредни партии и во Европа.

Доказ за тоа е вечерашниот дерби меч кој се одигра во Амстердам, каде Лацио како гостин ја освои „Јохан Кројф арена“ и славеше со 1:3.

Италијанците поведоа со голот на Чауна во 12-та минута, Ајакс се врати во второто полувреме Траоре, но Деле-Баширу брзо ја врати позитивата за гостите.

По вториот гол на неговиот тим, Барони во игра го стави и Тавареш, а токму левиот бек ја иницираше убиствената контра која заврши со блескава завршница на ветеранот Педро.

Шпанецот продолжува да воодушевува на 37-годишна возраст, па така денеска уште еднаш демонстрираше перфектен финиш со својата послаба лева нога.

Контрата погледнете ја ТУКА