Лацио без италијански репрезентативец на гостувањето во Чешка

Лацио сезонава игра во одлична форма во домашното првенство, но и во Лига Европа, па тој факт само ги подгрева амбициите на италијанскиот клуб во однос на желбата да стигне до трофеј.

Утре, римскиот состав гостува кај Викторија Плзен, а тренерот Барони овојпат нема да може да смета на Матија Ѕакањи.

Италијанскиот репрезентативец се пожалил на мускулна повреда по дербито со Милан и ќе одмора во пресрет на следниот ангажман во Серија А, иако засега не е јасно дали ќе пропушти само еден натпревар.

Педро ќе биде играчот кој веројатно ќе го замени Ѕакањи во првиот тим на Лацио во осминафиналето на Лига Европа, а тренерот ќе може да смета и на Ромањоли и Марушиќ, чиј настап беше неизвесен.

По дуелот со Викторија, следниот настап на „бјанкоцелестите“ е во понеделник и тоа на домашен терен против незгодниот Удинезе.