Ла Лига го кочи трансферот на Шчесни во Барселона

Војчех Шчесни веќе прифатил да стане дел од Барселона во ситуација кога шпанскиот клуб бара замена за Марк-Андре Тер Штеген, но Каталонците досега не успеаја да направат ништо конкретно по ова прашање.

Според „Релево“, причина за успорувањето на процесот е „технички проблем на Ла Лига“, нешто што донело многу фрустрации во раководството на Барселона, пред се поради фактот што Ханси Флик и натаму има само еден сениорски голман во своите редови.

Инаки Пења нема класична замена од првиот тим, а засега не е познато кога Ла Лига ќе донесе одлука околу најавениот трансфер и ќе овозможи целосно комплетирање на договорот според кој полскиот голман ќе ја засили Барса.

Финансиската ситуација на клубот доведе до ситуација секој трансфер и регистрација да бидат одобрувани од Ла Лига, па сега очигледно е дека Шчесни нема да може да застане на голот на Барса уште на неколку натпревари.

Каталонците денеска и гостуваат на Осасуна, а за Шчесни мали се шансите за настап и на дуелот со Јанг Бојс во Лигата на шампионите.