Квери за опуштениот Ѓоковиќ: Вака ќе биде уште поопасен во Њујорк

Новак Ѓоковиќ го оствари сонот и го освои олимпиското злато на игрите во Париз, меѓутоа тоа е веќе во минатото и веќе доаѓаат нови предизвици како што е четвртиот календарски грен слем Ју-Ес Опен.

Меѓутоа за Отвореното првенство на САД, српскиот ас ќе нема соодветни подготовки со оглед на тоа што го откажа настапот во Синсинати, одлука која за Сем Квери воопшто не е изненадување.

-Да, тоа не е изненадување. Мислам дека беше емотивно испразнет по освојувањето на златниот медал и на сите им требаат пет до шест недели да се опорават од тој тип на емоции, па не сум изненаден, -вели Американецот кој смета дека опуштениот Ноле може да биде уште поопасен во Њујорк.

-Очекувам да биде подготвен за Ју-Ес Опен, но искрено го гледам како оди таму само за да се појави. Тој постигна се што можеше да се постигне. Ќе биде опуштен, мислам дека ќе биде многу поопасен вака во Њујорк.