Квери: Плачев поради Ѓоковиќ, тоа не ми се случи…

Новак Ѓоковиќ дојде до златниот медал на Олимписките Игри во Париз и тоа во турнир во кој не загуби ниту еден сет.

Србинот беше фокусиран, посветен и со одлична игра која беше крунисана со перфектното финале против залетаниот Карло Алкарас го оствари сонот, резултатот кој долго време го посакуваше во кариерата.

Тоа беше емотивен момент за него, ама и за некои колеги со кои се има соочувано во минатото како што е Сем Квери.

-Не плачев ни кога се оженив, ниту кога ми се родија децата. Бев на каучот и го гледав натпреварот со сопругата. Избришав солза додека гледав во Новак… Жена ми плачеше. Нејзините очи се насолзија, -обелодени Американецот кој некое време е повлечен, а најдобриот пласман му беше 11. место на АТП листата.