Кварацхелија во сензационален трансфер потпишува за англискиот гигант

Како што се приближуваме до крајот на преодниот рок кога е во прашање ова лето, сите некако чекаме да се случи нешто сензационално, а како што стојат работите, токму тоа би можело да се случи наскоро.

Во центарот на трансферот треба да биде Kвича Кварацхелија, барем така тврдат англиските новинари.

Имено, челниците на Ливерпул се подготвени да направат сензационален трансфер во последните денови од преодниот рок бидејќи сакаат да го доведат одличниот Грузиец од Наполи, пренесуваат новинарите на „Football Insider“.

Гигантот од Англија веќе подолго време бара крилен напаѓач, а како што стојат работите откако отпаднаа неколку добри фудбалери, сега сакаат да го доведат Кварацхелија.

Според новинарите на „Footbal Insider“, Кварацхелија, кој има 23 години, долго време е на радарот на Ливерпул, а тој самиот наводно побарал да си замине од Наполи.

Ливерпул ќе има голем отпор од Наполи кој сака да го задржи во својот тим, но јасно е и дека самиот фудбалер се прашува, а како што стојат работите сака да си оди.

Тој има договор со Наполи на уште три години, а се зборува дека Ливерпул ќе мора да потроши околу 70 милиони фунти за да го донесе на „Енфилд“.