Кварацхелија со нов нестварен прием „измести“ двајца противници: Каде е топката? (Видео)

Квича Кварацхелија почна да влегува во посакуван ритам како член на ПСЖ, а француските медиуми од коло во коло се се повоодушевени од техничките квалитети кои ги прикажува Грузиецот.

Пласманот во четвртфиналето во Лигата на шампионите беше надополнет со дерби победа против Марсеј во домашното првенство, натпревар на кој Квича уште еднаш демонстрираше дека поседува магија во нозете.

Кварацхелија веќе режираше магичен прием на натпреварот против Рен поради кој Лига 1 за момент и го промени своето лого, но сега на втор натпревар во низа режираше слична лудорија.

Овојпат, потфатот на Квича беше уште потежок бидејќи беше опкружен од двајца фудбалери на Марсеј, но некако успеа деганжманот на Донарума да се претвори во вистинска фудбалска магија.

Приемот на Квича одново е топ тема во фудбалска Франција, што само покажува дека ПСЖ доби огромно засилување од Наполи во зимскиот преоден рок.

What did you do Kvaratskhelia? 🥵🇬🇪 pic.twitter.com/tNRHpktLhL

— Ligue 1 English (@Ligue1_ENG) March 17, 2025