Квалитетно засилување: Аталанта го добива играчот кого го меркаа сите италијански гиганти

Аталанта е познат како клуб кој дефинитивно си ја знае работата, поточно ја има формулата за успех за нивни стандардни, па така клубот продава играчи за големи пари, носи нови имиња, доста време е конкурентен и е при самиот врв на италијанскиот фудбал, а минатата сезона ја заврши со европски трофеј и тоа во Лига Европа.

И летово е активно во Бергамо, а најновите вести се дека клубот е на добар пат да го добие потписот на српскиот репрезентативец Лазар Самарџиќ.

Лазар во неколку наврати беше во трансфер во великаните на италијанскиот фудбал, беше поврзуван со Јувентус, Милан, Интер, Наполи…меѓутоа како што стојат работите Аталанта е таа која ќе ги добие неговите услуги за цена од околу 25 милиони евра.

Тој веќе ги минува лекарските прегледи и ако не се појави некој проблем во последен момент ќе стави потпис на соработка до јуни 2028 година со можност за уште една сезона. Лазар има 22 години и допрва се очекува вистински да експлодира иако се прикажа во добро светло во претходните три години во Удинезе.

#Samardzic all’#Atalanta: giorno di visite a #Milano pic.twitter.com/aVcieVPL3X

— Alfredo Pedullà (@AlfredoPedulla) August 18, 2024