Кузмановски и Хановер го надиграа Балинген

Филип Кузмановски и неговите соиграчи од Хановер ја запишаа 11. сезонска победа во Бундеслигата и тоа во пресметката против Балинген.

Домашните ракометари беа подобри во двете полувремиња, во првото создадоа предност од 16-13, второто го затворија со 15-14 за конечни на крајот 31-27. Новиот член на Вардар, Нејц Цехте беше најефикасен во победничкиот табор со шест голови, додека на средбата прв стрелец беше Владан Липовина со осум погодоци.

Нашиот репрезентативец Кузмановски реализираше три од четирите обиди и забележа една асистенција.

Филип Миркуловски пак со Вецлар беше поразен од Ерланген со 30-26.