Кузмановски: „Чкембари“ се најдобри навивачи на светот, убеден сум дека заедно ќе се радуваме

Македонскиот репрезентативец, Филип Кузмановски официјално беше промовиран во новата средина во тимот на Еурофарм Пелистер.

Тој и стави крај на епизодата во Вецлар и се врати назад во нашата земја во редовите на актуелниот првак. Левиот бек ќе го носи дресот со број 18, а дебито во Пелистер ќе го има против Пик Сегед во ЛШ и тоа на домашен терен пред навивачката група „Чкембари“ која за него е најдобра на светот.

-Благодарност до претседателот и клубот што направија се да ме доведат. Мотивиран сум и едвај чекам да заиграм во дресот на мојот клуб. Два дена работам со екипата, ги познавам моите соиграчи, со некои бев соиграч и во Бундеслигата. Знаеме какви навивачи се „Чкембарите“ и какви вљубеници се битолчани, најдобри во светот, и убеден сум дека заедно ќе се радуваме, -порача Кузмановски.

Своето задоволство од овој трансфер го искажа и актуелниот тренер Бранислав Ангеловски.

-реговаравме со Вецлар и порано да го доведеме Кузмановски, но сега беше вистинскиот момент. Му благадарам на Филип што ја одбра нашата од многубројните понуди. Знаеме што значи за нас како клуб и за нашиот град неговото враќање. Со него имаме уште појака македонска структура во тимот и сигурно ќе ни биде од голема корист, -порача Ангеловски.