Куртоа прими комичен гол, Реал се разбуди и го разби Еспањол (ВИДЕО)

Реал Мадрид го потврди статусот на фаворит и славеше над Еспањол со 4-1 во последниот натпревар од денешната програма во шпанската Примера.

Интересно е тоа што сите пет погодоци паднаа во второто полувреме, серија која беше отворена со комичниот автогол на голманот на домаќините Тибо Куртоа.

Меѓутоа веќе во 58 минута Реал се врати преку Карвахал по што четата на Анчелоти се впушти во комплетна офанзива која донесе резултат. По одличната асистенција на ново влезениот Вини Жуниор неговиот сонародник Рдориго стрелаше за 2-1 во 75 минута за да во 78 веќе биде 3-1 со погодокот токму на Винисус.

Во самата завршница Ендрик се избори за пенал кој Мбапе го искористи за потврда на победата.

Шампионот сега има 14 бода, еден помалку од Барселона која утре има тежок меч со Вилјареал.

Овде можете да ги погледнете најважните моменти од средбата на „Бернабеу“,