Куртоа ја цитираше изјавата на Карвахал од пред една година: Ќе видиме кој е подобар кога…..

Реал Мадрид втора година по ред загуби „Ел Класико“ дерби кое се одигра на американско тло, но членовите на „кралскиот клуб“ не се премногу загрижени од таквиот тренд.

Барселона со своите млади деца успеа да слави со 2:1 пред повеќе од 80 илјади навивачи во Њујорк, триумф кој иако носи престиж, сепак не е мерило за тоа што ќе следи во новата натпреварувачка сезона.

Карло Анчелоти не му даде преголемо значење на поразот, а најдрзок во изјавата беше Тибо Куртоа кој потсети на изјавата на Дани Карвахал од пред една година (истата беше дадена по поразот од Барса во Америка).

– Пресезоната е интересна за фановите и обично се игра за публиката која е на трибините. Сите стадиони се полни кога игра Реал и ние игравмее за публика.

– Секако дека не сакаме никогаш да губиме од Барселона, но она што се смета се резултатите за време на сезоната. Како што рече Карвахал пред една година, ќе видиме кој е подобар кога ќе дојде моментот на вистината. Ова беше натпревар во кој им се даде шанса на млади играчи и тоа не е вистинско мерило. И двата тима не беа комплетни, ова е период на подоготовка за тоа што следи, – изјави Куртоа.