Куртоа испрати порака до повредениот Тер Штеген: Беше болно…

Барселона со совлада Вилјареал и ја продолжи перфектната серија на резултати во шпанското првенство, но ова гостување донесе и една лоша вест за актуелниот лидер во Примера, тешка повреда на капитенот на екипата Марк Андре Тер Штеген.

Тер Штеген имаше квалитетно прво полувреме, ама во финишот на истото го повреди коленото и мораше да носилки да биде изнесен од тревникот. Повеќе од јасно е дека е повредата на коленото е сериозна и дека Германецот го очекува подолга пауза од терените што секако е огромен хендикеп за каталонците.

Допрвата ќе се знае колку време ќе биде во аут, меѓутоа процесот на рехабилитација, закрепнување ќе биде долг и тоа добро го знае членот на Реал Мадрид, Тибо Куртоа кој испрати порака до колегата преку социјалните мрежи.

-Жал ми е за повредата, беше болно да гледам како го напушташ теренот. Се надевам дека ќе закрепнеш наскоро и ќе те видиме повторно на голот, -порача Белгиецот.

Siento la lesión @mterstegen1 , me dolió mucho verte salir así del campo. Espero que puedas recuperarte pronto y volvamos a verte en la portería. pic.twitter.com/4u72LkjnnH

— Thibaut Courtois (@thibautcourtois) September 22, 2024