Поврзете се со нас

Лига на шампиони

Куртоа искрен: Познавам само еден играч на Брест

Објавено

на

Foto:x.com/realmadrid

Реал Мадрид влегува со свои шанси за пласман во осминафиналето во Лигата на шампионите, но за да се случи тоа, ќе треба да се поклопат неколку резултати и на други натпревари.

„Кралевите“ денеска му гостуваат на Брест кој е едно од најпријатните изненадување во европската елита, па иако станува збор за тим кој воодушеви со своето залагање, најголем дел од фудбалерите се уште се недоволно познати во јавноста.

Искрен одговор на оваа тема даде и Тибо Куртоа, кој запрашан од новинарите да даде коментар за играчите на Брест, призна дека всушност го познава само голманот Марко Бизо.

– Брест е многу студен град и сигурно ќе биде ладно за време на мечот. Сепак, и во Шпанија има некои студени градови и нема да ни биде нешто непознато. Изненаден сум од нивото кое го прикажа Брест, играат храбар и физички фудбал.

– Дали познавам играчи од Брест? Да бидам искрен, не ги познавам, го знам само голманот кој своевремено играше во Белгија. Не ги познавам индивидуално, но ги гледав како тим и очигледно е дека знаат на што играат. Сигурно не чека тежок и интензивен меч, – изјави Куртоа.

Advertisement
Advertisement

Италија

Advertisement

Популарни