Куртоа го откри најголемиот лутко во Реал: Ако погрешите три паса, ви вели да заиграте за противничкиот тим

Тибо Куртоа имаше тешка повреда на коленото и се врати навреме за да брани во големото финале во Лигата на шампионите пред неколку месеци, а сега ја отвори новата сезоната како стандарден на голот на „кралевите“.

Белгиецот и натаму прави голема разлика и беше избран за МВП во пресметката со Штутгарт која се одигра завчера, но опуштен по победата од 3:1, Куртоа се решил да направи и едно невообичаено интервју гостувајќи во јутјуб емисијата на Ибаи Ланос.

Во релаксираниот разговор, Куртоа говори за победничкиот менталитет кој владее во Реал и кој се пренесува од генерација на генерација, а според него, играч кој намалку сака да губи во „кралскиот клуб“ е Дани Карвахал.

– Кога играме натпревари на тренинзите, Карвахал е тој кој најмногу сака да ја „зачини“ атмосферата, а кога победува е уште полош.

– Кога губи, не може да му проговорите, морам да кажам дека истото важи и за Модриќ понекогаш. На крајот на краиштата, тоа е победничкиот менталитет кај Карвахал. Ако погрешите еднаш или двапати, не ви вели ништо, но ако погрешите трет пас, ви вели да го промените лигавчето или да одите да играте за противничкиот тим, – открива Куртоа.