Куријер: Надал е фаворит на Ролан Гарос, Ѓоковиќ е во прв план на останатите

Американскиот тениски стручњак и некогашен светски рекет број еден, Џим Куријер ги издвои играчите кои според него ќе бидат фаворити за титулите во наредната календарска година.

Џим кој низ кариерата освои 23 титули и притоа победуваше на најголемата сцена, турнирите во Мелбрун и Париз верува дека Рафаел Надал и Новак Ѓоковиќ ќе го имаат главниот збор или ќе бидат во прв план на грен слем настаните.

-Ќе видиме како Надал ќе се чувствува, како ќе му реагира стапалото по долга пауза. Сè уште е фаворит на Ролан Гарос, мал фаворит во однос на Новак – под услов и двајцата да бидат здрави. Новак пак е фаворит на другите слемови, најмногу на Вимблдон, -порача Американецот.