Куња ја дозна својата казна од ФА за дивеењето против Ипсвич (Фото)

Вулверхемптон заигра далеку подобро под водство на Витор Переира и забележа две победи и едно реми, учинок кој направи „волците“ да избегаат од опасната зона на табелата.

Ситуацијата изгледаше далеку подраматична за Вулвс по поразот од Ипсвич на домашен терен (1:2), а две недели по овој натпревар, денеска пристигна една пресуда од ФА за суспензија на Матеус Куња.

Напаѓачот на домашниот тим дивееше по болниот пораз на „Молину“ и влезе во физичка пресметка со претставници од гостинскиот тим, па имаше и контакт со еден од членовите на стручниот штаб.

Куња постигна еден гол на тој натпревар и уште два на наредните два против Лестер и Манчестер Јунајтед, но сега ќе мора да одмори поради казната која ја доби од ФА.

Фудаблската асоцијација му додели суспензија од два меча на напаѓачот на Вулверхемптон, но и парична казна од 80 илјади фунти на недолично и агресивно однесување.

🚨🇧🇷 𝐁𝐑𝐄𝐀𝐊𝐈𝐍𝐆 | Matheus Cunha has been SUSPENDED for 2 games! ❌

This is due to misconduct after the game vs Ipswich Town. Also fined £80,000 by the English FA. pic.twitter.com/kIK5dWPfZC

— EuroFoot (@eurofootcom) December 31, 2024