Кунде повторно покажа недисциплина, Ханси Флик го изостави од стартната постава

Германската ригидност на Ханси Флик е добро позната за сите ѕвезди на Барселона и јасно е дека сите правила важат идентично за сите, па понесен од стриктното почитување на правилата, тренерот на каталонскиот гигант вечерва донесе уште една тешка одлука.

Поради нова епизода на недисциплина, Ханси реши да го отстрани Жил Кунде од стартната постава на Барселона, овојпат поради доцнење на завршниот разговор пред натпреварот со Рајо Валјекано.

Францускиот дефанзивец задоцнил на последниот тимски состанок пред вечерашниот меч во Ла Лига, по што Флик го применил идентичниот третман како пред неколку месеци.

Кунде не настапи против Алавес поради доцнење на тренинг, а во ситуација кога не ја учи лекцијата, сега одново се запозна со „строгата рака“ на Германецот.

Ханси Флик останува верен на своите сфаќања во било какви околности, па така вечерва во стартната постава на Барса се најде Ектор Форт.