Куман пред дуелот со Шпанија: Не планирам да „паркираме автобус“

Шпанија ќе биде следен противник на холандската фудбалска репрезентација и тоа во рамките на четвртфиналето на Лигата на нации.

Актуелниот европски шампион е голем предизвик за „портокаловите“, а селекторот Роналд Куман најави дека не планира дефанзивен пристап на дуелот во Ротердам.

– Точно е дека Шпанците имаат супер квалитетен состав исполнет со играчи кои се подготвени за постојан пресинг.

– Нико Вилијамс и Ламин Јамал можат да ни создадат многу проблеми, но и нашиот стил на игра е поврзан со поголем посед на топката.

– Не планирам да „паркираме автобус“ и ќе имаме офанзивен пристап, а ова ќе биде и специјален дуел за мене, бидејќи за Шпанија ќе настапат Педри, Гави и Балде, кои добија можност да дебитираат за Барселона додека јас бев тренер, – рекол Куман.