Куман итно пренесен во болница во Амстердам поради срцев проблем

Роналд Куман пред само неколку дена направи комплетна анализа за сето она што се случува во Барселона, но денеска за жал стана топ тема во родната Холандија од каде ни пристигна загрижувачка вест која за среќа имала среќен крај.

Легендарниот холандски фудбалер и актуелен селектор на „лалињата“ бил итно пренесен во болница во Амстердам со амбулантно возило, откако ненадејно му се слошило во неговиот дом. Угледниот „Де Телеграф“ прв ја пренесе оваа информација и ексклзивата ја добил од страна на најблискиот дел од семејството на Куман, кое открива дека Роналд се здобил со срцев проблем попладнево.

Истиот извор тврди дека Куман подлегнал на срцева катетеризација и во овој момент е стабилен само поради брзата интервенција на здравствените лица, а во наредниот период се очекуваат нови и подетални информации за состојбата на 57-годишниот стручњак кој успешно се справил со првичниот шок.