Куман: Барселона сакаше да го продаде Педри

Педри и покрај својата возраст за кратко време прерасна во важен фудбалер за Барселона, но клубот претходно не бил толку убеден во неговите квалитети.

Поранешниот тренер Роналд Куман тврди дека раководството на Барса размислувало за негова продажба откако и двајцата пристигнале на „Камп Ноу“ во ист период.

– Помина само една недела откако ја преземав екипата, а челниците ме прашаа дали планирам да го користам.

– Наводно Баерн сериозно се интересирал за него, но јас им реков дека ќе остане затоа што очекувам за брзо да стане стартер за Барса, – изјавил Куман.

Баерн тогаш нудел околу 80 милиони евра за Педри, а подоцна Барселона се заштити со голема откупна клаузула за шпанскиот фудбалер.